Karaoke Hits Translated 1

Let’s deal with a few karaoke staples, just because I feel like it.

Here goes, kiddies.  Don’t say I didn’t warn you, I just felt like doing karaoke.  Indirect translations, not exactly translations-translations.  The sense is still there.  I’m rusty.

*     *     *

Bukas-Bisig

Translation of “Open Arms” by Journey

Nakahiga sa tabi mo, dito sa dilim
Tibok ng ating puso’y magkasabay
Lambot ng iyong bulong, sadyang dalisay
Pag-ibig ba natin ay bulag

Sabay tayong lumayag
Lumayo nang matangay
At nariyan ka sa aking tabi

Kaya’t parating na ako, bukas-bisig
Walang tinatago, dinggin ang bukambibig
Narito na ako, bukas-bisig
Sana’y maintindihan ang halaga ng ‘yong pag-ibig
Bukas-bisig

Buhay na wala ka, at mag-isa
Ang bahay na to’y kay lamig
Gusto kitang mahawakan, lumapit sa ‘kin
Sana’y umuwi ka na rin

Ngayong ika’y nagbalik
Ang gabi’y naging araw
Sana’y ika’y mamalagi

Kaya’t parating na ako, bukas-bisig
Walang tinatago, dinggin ang bukambibig
Narito na ako, bukas-bisig
Sana’y maintindihan ang halaga ng ‘yong pag-ibig
Bukas-bisig

*     *     *

Saan Magsisimula (Katha Ng Pag-Ibig)

Translation of “Love Story” by Andy Williams

Saan magsisimula
Ikwento ang katha ng pagmamahal at ng gunita
Tamis ng pag-ibig na mas matanda pa sa dagat
Awit ng katotohanan, na lagi niyang dala
Saan kaya…

Sa unang bati niya
May dahilan na ang dating kawalang-saysay ng ‘king mundo
Di nangyari sa anumang pagmamahal
Dumating siya at ang buhay ko ay gumaan
Puno ang puso ko

Puso ko’y pinupuno,  ng bagay na namumukod
Kantang anghel, at harayang ligaw
Puno ang budhi ng pagmamahal
Saan man mapunta, di ako nag-iisa
Kung kasama siya, anong mahihiling pa
Kanyang kamay ay laging nariyan…

Magtatagal kaya
Pag-ibig ba’y nasusukat sa oras ng araw
Wala akong sagot, pero ito’y masasabi ko
Kailangan ko siya hanggang masunog ang harana ko
Siya’y nariyan pa rin

Magtatagal kaya
Pag-ibig ba’y nasusukat sa oras ng araw
Wala akong sagot, pero ito’y masasabi ko
Kailangan ko siya hanggang masunog ang harana ko…

Siya’y nariyan pa rin

*     *     *

Ngayong Gabi, Ipagbubunyi Ko Ang Pag-Ibig Natin

Translation of “Tonight I Celebrate My Love” by Peabo Bryson and Roberta Flack

Ngayong gabi, ipagbubunyi ko ang pag-ibig natin
Ito nga ang likas na dapat nating gawin
Ngayong gabi, walang hahanap sa ‘tin
Mundo’y iiwan natin
Habang tayo’y nagtatalik

Ngayong gabi, ipagbubunyi ko ang pag-ibig natin
Sana’y dama sa kalooban mo rin
Ngayong gabi, aakyat ang ating diwa
Sa tilang brilyanteng mga tala
Habang tayo’y nagtatalik, ngayong gabi

Ngayong gabi, ipagbubunyi ko ang pag-ibig natin
At ang awitin sa hatinggabi’y ay liwanag sa iyo
Ngayong gabi, hindi tayo magkakalayo
Gusto ko lang gawin, sa iyo’y mapalapit
Ngayong gabi

Ngayong gabi, ipagbubunyi ko ang pag-ibig natin
At ang lumang mundong ito’y magiging bago
Ngayong gabi, ating matutuklasan
Magkaibiga’y pwedeng magmahalan
Habang tayo’y nagtatalik, ngayong gabi

Ngayong gabi, ipagbubunyi ko ang pag-ibig natin
At ang awitin sa hatinggabi’y ay liwanag sa iyo
Ngayong gabi, hindi tayo magkakalayo
Gusto ko lang gawin, sa iyo’y mapalapit
Ngayong gabi

*     *     *

Mag-Isa

Translation of “Alone” by Heart

Dinig ko ang tunog ng orasan
Nakahiga, ang kwarto’y madilim
Nagtataka kung saan ka ngayong gabi
Walang sagot sa telepono
At ang gabi’y sadya ngang kay tagal
Umaasang hindi to matatapos na ako’y
Mag-isa

Dati’y akala ko’y kaya kong mapag-isa
Walang paki hanggang ika’y makilala
Ngayo’y dama ang lamig hanggang buto
Paano kita makukuhang mag-isa
Paano kita makukuhang mag-isa

Di mo alam na hinahanap-hanap ko
Ang halik at yakap mo
Di mo alam kay tagal kang hinintay
Ngayong gabi’y sasabihin ko
Ngunit ang sikretong ito’y sa ‘kin pa rin
Pagmamahal ko’y di mo alam pa rin
Mag-isa

Dati’y akala ko’y kaya kong mapag-isa
Walang paki hanggang ika’y makilala
Ngayo’y dama ang lamig hanggang buto
Paano kita makukuhang mag-isa
Paano kita makukuhang mag-isa

Paano kita makukuhang mag-isa
Paano kita makukuhang mag-isa

Mag-isa, mag-isa

*     *     *

Lagi Kong Sabi Sa ‘Yo

Translation of “I Keep on Saying” by Nexxus

Lagi kong sabi sa ‘yo, kinukulit ko sa ‘yo
Na mahal kita, sana’y malaman mo
Maniwala ka sa ‘king sabi, ako’y nasa iyong tabi
Narito ako, giliw, magpakailanman

Huwag ka nang umiyak
Huwag kang magpaalam
Ayaw kitang saktan
Pagkat aking alam
Na aalagaan kita
Kahit pa noong simula

Lagi kong sabi sa ‘yo, kinukulit ko sa ‘yo
Na mahal kita, sana’y malaman mo
Maniwala ka sa ‘king sabi, ako’y nasa iyong tabi
Narito ako, giliw, magpakailanman

Sige na, maniwala ka na
Pangako kong sasamahan kita

Ayokong magsinungaling
Pag-ibig ko’y sana’y di mamatay
Ikaw lang ang aking gusto, isang ngiti lang
At makasama ka habangbuhay
Puso ko’y naririto

Lagi kong sabi sa ‘yo, kinukulit ko sa ‘yo
Na mahal kita, sana’y malaman mo
Maniwala ka sa ‘king sabi, ako’y nasa iyong tabi
Narito ako, giliw, magpakailanman

Sige na, maniwala ka na
Pangako kong sasamahan kita

Sige na, maniwala ka na
Pangako kong sasamahan kita

Pag-ibig ay ating gabay
Tayo’y pag-iisahin
Pag-ibig natin ay
Walang hanggan

Lagi kong sabi sa ‘yo, kinukulit ko sa ‘yo
Na mahal kita, sana’y malaman mo
Maniwala ka sa ‘king sabi, ako’y nasa iyong tabi
Narito ako, giliw, magpakailanman

Lagi kong sabi sa ‘yo, kinukulit ko sa ‘yo
Na mahal kita, sana’y malaman mo
Maniwala ka sa ‘king sabi, ako’y nasa iyong tabi
Narito ako, giliw, magpakailanman

One thought on “Karaoke Hits Translated 1

  1. Oh, dang. This is funny. Titles pa lang, nakakatuwa na. You made a good job! And btw, found your site from the circulating “Jejemon” series. Can’t wait for the prequel!

Leave a Reply

Your email address will not be published. Required fields are marked *